lavrego

Mercado do Bolhao em Porto

2010-09-24T13:51:00.002+02:00

Tarde en Soutipedre

2009-08-17T12:26:00.005+02:00

Unha tarde en Soutipedre; foron tantas as cousas que quixen recoller coa cámara de fotos que ao final as máis espectaculares non pudieron entrar por estar a memoria chea.

O sábado 15 fun ate Castro caldelas, levanteime ás sete e media da mañá e encamiñeime cara Monforte por Palas de Rei, Taboada ( onde por certo vin a un home co maleteiro co carro aberto, a muller mirando e el tomando un quinto de cervexa, ás 8:30 h !!), Chantada e Monforte. De alí collín cara Castro Caldelas baixando polos canons do Sil. Ao chegar á praza da feira (ao carón do Castelo) tomei un café e axiña se xuntou a xente para ir ver o Castelo e facer o programado nese día.
Pois se xa quedara abraiado coas vistas ao baixar o Canon do Sil (tamén é impresionante a baixada de chantada), mais abraiado ia quedar ao longo do día. Visitamos o castiñeiro co perímetro mais grande, xantamos nun fermoso pazo e logo collemos camiño cara Soutipedre, unha aldea colgada dos montes onde se ten unha panorámica impresionante da paisaxe. Toda a tarde a pasamos xogando á billarda,e ao final aos bolos celtas. Unha lección de maestria a o dos veciños da aldea que dominaban o xogo mellor ca un cativo os mandos dunha videoconsola Tivemos que rematar xa que entre os trebóns de auga que caian de vez en cando, o vento que levantaba o pó do camiño e a tronada, ademais do máis importante: xa se facía noite. Para volver recomendaronme encamiñarme cara a Rúa e coller a N-120 cara Monforte. Pois baixei de Soutipedre ata o santuario das Ermidas, impresionante, o camiño era retorto e por riba de fondos barrancos, e ao fondo xunto ao río unha fermosa constucción que aproveita a pedra e o releve para levantarse. De alí volvín subir e xa me encamiñei cara a Rúa nunha subida continua e cos lóstregos en fronte. Comecei a ver os encoros e o río Sil volveu aparecer. Circulaba por encaixados camiños entre os montes, moi verticais. E comecei a ver nomes coñecidos como San Clodio, o que me lembraba aquela profesora interina que pasara un tempo en lugo, e que contaba que na festa sempre acaban ao santo en procesión, mais un ano como non chovía e o santo non obraba, tirárono a un pozo e ata que choveu non o sacaron de alí (ao mellor o santo encheuse de tanta auga). Logo Rugando e lembroume o conto de Anxel Fole, e tamén un cartel que indicaba a dirección a seguir para chegar ao Courel. Máis encoros, máis rio Sil. Monte Furado o túnel, a ponte do tren, e logo xa camiño ao longo do río Lor. O resto xa era mais coñecido: xa estaba chegando a Monforte, xa facía media hora que saira daquela aldea de Manzaneda e inda me quedaba outra hora para chegar á casa.

E descubrín un novo encoro

2009-08-10T10:52:00.005+02:00

O outro día á volta de Touro, decidín volver á beira do Ulla e ver de atopar os novos encoros que fixeron por baixo do de Portodemouros. Pois case sen querer, fun por unha corredoira e acabei na parte baixa da tosta, como podedes ver non sae auga ningunha. E inda hai outro encoro igual a este. Por outra banda está o grande de Portodemouros. Pos á marxe do trombo nesta arteria de auga, que supón a presa, mirade a morea de escombro. Seguro que o sitio era ben fermoso antes de facer esta monstruosidade

De Arzúa tiña que ser

2009-08-10T09:52:00.003+02:00

De Arzúa tiña que ser: O paisano aparcou como lle petou, ou ben quixo sair polo camiño máis curto. O caso é que agora nin para diante nin para atrás. Bon é que me alegraron algo esta fria mañá de luns, na que inda me dura unha migraña anticiclónica, e o sol comeza a molestar nos ollos pero sen quentar as umbras.

A ver como resolve esta xentiña, ao mellor ata tentan levantalo a pulso.

Eu non sei, pero para min que ata doblou algo :)

Se fose polas escaleiras, ao mellor nin se enteraba, e baixaba, é unha nova modalidade. Hoxe non o vou probar, ademais non aparquei na praza, hoxe non.

Presentación de Curuxás o Guerrilleiro que Franco non cazou

2009-02-18T18:33:00.002+01:00

Pois esta é a foto que serve de portada para o libro de Carlos Parrado: “Curuxás, o guerrilleiro que non cazou Franco” será presentado este venres 20 na sala de conferencias do edifico multiusos de Melide á 20:15 h. Libro que, lóxicamente fala da vida e feitos de curuxás, contados ao mais puro estilo tradicional dos contos populares narrados de xeración en xeración. O traballo é froito de moitísimos anos de recopilación por parte de Carlos Parrado, e deu este libro como resultado.

A portada é unha foto de curuxás nun carro (corpore insepulto) e a contraportada é a mesma foto en pequeno sobre un fondo do xornal que se fixo eco da nova “el caso”

E o lugar onde se pode atopar o libro, é nas librarías, lóxicamente e como non ia ser doutra maneira tamén en Parrado.

E a conto de todo isto lémbro cando me contaban que meu bisavó lle dera escola a Ramón cando inda non era curuxás, naquela pequena etapa en que o guerrilleiro, inda cativo viviu en Pambre.

Este é outro paleto

2009-02-06T11:01:00.008+01:00

Si, este non ten menos culpa que o anterior, o que pasa é que o anterior é deses nazis xudeus que mangonean no petrodolar e dan a cambio papel do lixo. Este tamen quería torta e cando viu que lla colleu o de antes(Greenspan)...quedoulle esta cara...de torta. Só falta o Bush para o circo dos paiasos.

E se cadra inda poño unha foto do Emilio Botín, que ese tamén ten pecado, ten un bo nome para ser banqueiro, antes chamabaselles piratas. Non sei se este ten patente de corso. Mais creo que non lle fai falla: ten mai poder el que "a raiña"

A Pillar cacho

2009-02-06T10:38:00.003+01:00

Este é o peixe gordo que armou a lea. Gurú das finanzas, seica lle chaman. Mais eu penso que é un listo! Xa se ve na foto. E a el que máis lle ten que a economia mundial se tambalease, a súa non ( a non de clarada) xa que estes que estaban en contra do "intervencionismo do estado" non dubidaron nada á hora de coller os cartos que lles deron para "garda na caixa e non repartir" .

A min gustaríame pensar que esta foto se refire a un velliño respetábel que ten as mans atacadas de artrose por traballar no agro toda a vida e que foi cachado non momento en que o neto lle roubaba un anaco de queixo. O vello habilidoso estrica os dedos da man para collelo polo aire.

Que triste realidade a deste fulano. Un ladrón e mentireiro e non lle van facer nada.

Ponte de fortes

2009-01-03T11:42:00.003+01:00

Vou colgar todas as fotos da ponte de Fortes (Taboada-O Saviñao) no meu outro blog: http://www.lavregogalego.spaces.live.com/

ponte de fortes

2009-01-02T18:18:00.003+01:00

Un dia que fun ate Monforte, tiven a ocorrencia de non volver polo mesmo camiño que fun, e así mirando polo mapa vin que no canto de volver por Chantada e de alí ate monterroso e logo a Melide, era case mais curto vir polo Saviñao. Así que de Monforte collín cara Bóbeda e logo cara Taboada. Resultou se unha pista moi estreita e chea de buratos (no mapa poñia que era da rede autonomica secundaria, igual que a que vai de Palas a Monterroso). O tempo que me levou chegar, foi moito mais do que me levaria ir por Chantada. (topei con vacas, outros coches dos que tiña que apartar,etc.) Mais a sorpresa que atopei foi abondo satisfactoria como para volver hoxe para tirar unhas fotos e desfrutar algo da paisaxe,(inda habia néboa) Lembro que a primeira vez que cheguei á ponte de Fortes, só via un encoro cheo de auga ata arriba e unha pista moi estreita que parecia querer caer na auga. Só pensaba que se nos cruzabamos con outro coche non ia poder apartar. E de pronto: esta ponte tan luminosa ancha de abondo como para pasar un camión de par doutro. Hoxe non a atopei tan luminosa, tiña algo de ferruxe e o encoro leva pouca auga, ou alomenos non tanta coma da outra vez. Así e todo xa teño ganas de volver para mirala.

20 anos de Galiza Nova

2008-12-12T12:50:00.000+01:00

Por certo, do outro lado, mirando ao revés do Sobrado do Mosteiro pódese ver un mural que Fixo Galiza Nova, para celebrar o 20 anivesario do seu nacemento como organización.

As obras que nunca acaban

2008-12-12T12:08:00.000+01:00

olá. Coma sempre, adico mais tempo a ler outros blogs que a tentar crear este, mais pásame coma na foto, que non acaban unha obra para ter que meterse noutra.

Chamoume a atención, o grandioso que parece o Mosteiro de Sobrado, case considerado unha catedral. E sen embargao un guindastre fai de smerecer a obra arquitectónica que é o Mosteiro.

Inda así, recomendo a súa visita, e se pode ser en bicicleta e pola serra do Bocelo, mellor, xa dende o alto podemos ver as torres do mosteiro, e ao lonxe a fumeira da planta que hai no polígono de Teixeiro. Inda que na serra o que mais chama a atención, son os muiños de vento

Masificación

2008-02-01T12:11:00.000+01:00

Especial recoñecemento merece esta xente que fixo forza para evitar o encoro de Fradegas, mais agora estan a converter a zona nunha paraxe turística sen control, era unha zona apenas coñecida na que non habia camiños decentes: era monte. Tampouco habia lixo durante todo o ano nin coches que aparcasen no campo da pradeira esmagando o solo desta carballeira. Agora case se asfalta o camiño ata o monte e mesmo se queren poñer mesas para pasar un momento de lecer á veira do río. Lembro a primeira baixada; alí escoitei a un home de poucas luces decir que o que habia que facer era meter unha carroceta ata a cima do rio e limpar toda a veira do río de polas e ramallos, e facer un camiño e na cima un mirador. Si señor e digo eu feito isto , que fagan logo un lago artificial e unha praia fluvial e logo xa ciscamos todo polo que se loitou. O que se está a ocasionar é un turismo salvaxe, masificando as paraxes naturais e mesmo urbanizando ou civilizando o rural. Na miña opinión a baixada do rio acompañando a competición, é suportábel, mais só unha vez no ano e como excepción, respeitando o estado no que se atopaba o lugar ou facendo pequenos sendeiros. Mais a realidade é outra, e o beneficio para os veciños é inexistente, mentras propiedades colectivas coma presas, muiños ou monte común son esquecidos, esta actividade xera una desgaste maior do necesario. Se hoxe existen as paraxes naturais é porque o home non reparou nelas moito tempo, nese caso xa estarian colonizadas. E o turismo non fai país, só o vende.Fraco favor do colonianismo.

Saude e independência

Abrindo: moitas obras

2007-07-11T12:06:00.000+02:00

Imos ver como sae isto, polo que vejo nom vai ser moita a audiência que tenha. A ver que podo fazer. Para quem tenha présa, visitade o meu outro blog: www.lavregogalego.spaces.live.com